Davíð Þór Viðarsson.
„Það er oftast þannig að núverandi Íslandsmeisturum er spáð sigri. Þetta kom ekki eins og sprengja. Nú er það okkar að sanna þessar spár," segir Davíð Þór Viðarsson, fyrirliði FH, en allar spár fyrir mót segja að liðið verji Íslandsmeistaratitil sinn í sumar.
FH heimsækir nýliða Þróttar í fyrstu umferðinni á sunnudag klukkan 16:00.
„Það verður örugglega stemning í Laugardalnum á sunnudaginn. Það er langt síðan þeri voru í efstu deild. Þeir voru flottir í fyrstu deild í fyrra. Það eru allir að spá þeim falli en við áttum okkur á því að þetta verður erfiður leikur," sagði Davíð sem á vini sem styðja Þrótt.
„Ég á 2-3 ágætis félaga sem eru Þróttarar en þeir eru greinilega eitthvað smeykir fyrst þeir vilja ekki láta mig heyra það strax."
Gunnar Nielsen hefur ekki verið með FH í undaförnum leikjum en færeyski landsliðsmarkvörðurinn verður klár á sunnuadg.
„Hann var með á æfingu á þriðjudaginn og leit mjög vel út. Hann verður klár á sunnudaginn. ef eitthvað kemur upp á þér um við alltaf með Stjána (Kristján Finnbogason). Eins og sást gegn Val þá er hann ennþá ótrúlega góður í marki þó hann sé 57 ára," sagði Davíð brosandi.
Hér að ofan má sjá viðtalið í heild sinni en þar átti Hermann Hreiðarsson, þjálfari Fylkis, óvænta innkomu.
Athugasemdir
