ÍBV hefur fengið Charles Vernam á láni frá enska félaginu Derby County. Charles er 20 ára en han getur spilað sem framherji og framliggjandi miðjumaður.
Charles hefur verið á mála hjá Derby County frá árinu 2012 og hefur að undanförnu leikið með U21 árs liði félagsins sem er í harðri toppbaráttu í efstu deild U21 árs liða á Englandi.
Charles mun leika með ÍBV næstu 2-3 mánuði og mun fá leikheimild á næstu dögum.
Eyjamenn hafa verið að leita logandi ljósi að framherja þar sem Gunnar Heiðar Þorvaldsson er frá keppni og veður líklega ekki klár í slaginn fyrr en í júní. Charles er nú kominn til félagsins til að hjálpa til með sóknarleikinn.
„Við vonumst einnig til að stuðningsmenn ÍBV, nær og fjær, taki vel á móti leikmanninum og hann muni upplifa sanna Eyjastemmingu á leikjum ÍBV. Knattspyrnuráð ÍBV býður Charles velkominn á Eyjuna fögru og væntir mikils af honum. ÁFRAM ÍBV, alltaf og alls staðar," segir í fréttatilkynningu frá ÍBV.
ÍBV mætir ÍA í fyrstu umferðinni í Pepsi-deildinni klukkan 17:00 á sunnudag.
Athugasemdir