Íslenski landsliðsframherjinn Alfreð Finnbogason lék allan leikinn í fremstu víglínu Augsburg þegar liðið fékk Köln í heimsókn í fyrsta leik helgarinnar í þýsku Bundesligunni.

Matthias Lehmann var rekinn af velli snemma í síðari hálfleik og léku Alfreð og félagar því manni fleiri í rúman hálftíma. Þeim tókst ekki að nýta sér liðsmuninn og endaði leikurinn með markalausu jafntefli.

Augsburg situr nú í 12.sæti Bundesligunnar og er sex stigum frá fallsvæðinu en öll liðin, nema Augsburg og Köln, eiga þrjá leiki eftir.