Danmörk
Rúnar Alex Rúnarsson, sem hefur verið að banka á landsliðsdyrnar, stóð í markinu hjá Nordsjælland í dönsku úrvalsdeildinni í dag.
Hann náði ekki að koma í veg fyrir þrjú mörk gegn Midtjylland, en leikurinn endaði með 3-1 sigri Midtjylland.
Rúnar Alex Rúnarsson, sem hefur verið að banka á landsliðsdyrnar, stóð í markinu hjá Nordsjælland í dönsku úrvalsdeildinni í dag.
Hann náði ekki að koma í veg fyrir þrjú mörk gegn Midtjylland, en leikurinn endaði með 3-1 sigri Midtjylland.
Rúnar Alex hefur eignað sér stöðu markvarðar hjá Nordsjælland, sem er í fimmta sæti í efra umspilinu í Danmörku. Þeir eru þremur stigum frá Evrópusæti sem yrði frábær árangur.
Svíþjóð
Íslendingalið Hammarby fór létt með Eskilstuna í úrvalsdeild karla í Svíþjóð í dag. Með Hammarby leika fjórir Íslendingar.
Ögmundur Kristinsson var í markinu, Birkir Már Sævarsson og Arnór Smárason var á meðal fremstu manna og viti menn, Arnór Smárason var á skotskónum. Hann skoraði síðasta markið í 4-0 sigri.
Í úrvalsdeild kvenna í Svíþjóð var Íslendingaslagur á boðstólnum. Sif Atladóttir og samherjar hennar í Kristianstad lögðu Önnu Björk Kristjánsdóttur og hennar liðsfélaga í Limhamm Bunkeflo 07.
Sif og Anna spiluðu báðar allan leikinn fyrir sitt lið enda lykilmenn. Bunkeflo hefur skorað eitt mark í efstu deild hingað til og það var auðvitað Anna sem skoraði það mark.
Leikurinn endaði með 3-0 sigri, en þetta var fyrsti sigur Kristianstad sem leikur undir stjórn Elísabetar Gunnarsdóttir. Limhamm Bunkeflo er enn án stiga eftir þrjár umferðir.
Athugasemdir