Nokkrum leikjum var að ljúka í Borgunarbikar karla. Önnur umferð er í gangi, en í hádeginu fengum við óvænt úrslit af Reykjanesinu. Víðir Garði kláraði þá Keflavík í vítaspyrnukeppni.

Það var kannski ekki sérstaklega mikið um óvænt úrslit í þessum leikjum sem voru að ljúka núna.

Fylkir fór léttilega áfram, 7-0 sigur gegn Vatnaliljum staðreynd. Fylkir spilar í Inkasso-deildinni í sumar, en það verður að sjá hversu langt þeir geta farið í bikarnum.

Þór, sem leikur einnig í Inkasso-deildinni, hafði betur gegn Tindastóli og Kári sigraði Augnablik, 3-0. Margir leikmenn með reynslu úr Pepsi-deildinni léku í þeim leik.

Ægir hafði svo betur gegn Álftanesi og Árborg sigraði Hamar eftir vítaspyrnukeppni. Þar fóru þrjú rauð spjöld á loft.