Sunnudagur klukkan 19:15
Valsmenn taka á móti Víkingi Ólafsvík í Pepsi-deildinni á sunnudagskvöld. Val er spáð öðru sæti af Fótbolta.net en Ólsurum því neðsta.
Valur hefur mikla breidd á miðsvæðinu en þar verður Einar Karl Ingvarsson væntanlega í byrjunarliðinu. Hann hefur fengið stórt hlutverk í vetur og staðið sig vel.
Kristinn Ingi Halldórsson hefur verið að spila í fremstu víglínu með Sigurð Egil Lárusson og Dion Acoff á köntunum. Dion býr yfir gríðarlegum hraða en hann kom frá Þrótti í vetur.
Nikolaj Köhlert, Guðjón Pétur Lýðsson og Sindri Björnsson eru meðal leikmanna á bekknum.
Ólsarar fengu tvo spænska leikmenn í gær og við setjum þá báða í líklegt byrjunarlið fyrir leikinn gegn Val.
Gunnlaugur Hlynur Birgisson sem kemur frá Breiðabliki gerir einnig sterkt tilkall í byrjunarliðið. Auk þess gætu Mirza Muicic og Emir Dokara verið í vörninni.
Þorsteinn Már Ragnarsson, fyrirliði Ólsarar, er meiddur og missir af byrjun móts.
Ekki gleyma Draumaliðsdeild Eyjabita!
Mundu að gera breytingar á þínu liði í Draumaliðsdeild Eyjabita. Hægt er að skrá sig í allt sumar. Markaðurinn lokar klukkutíma fyrir fyrsta leik umferðarinnar.
Smelltu hér til að taka þátt í Draumaliðsleiknum!
Athugasemdir