Óvænt úrslit litu dagsins ljós í Borgunarbikar karla þegar Víðir úr Garði lagði Keflavík í Reykjaneshöllinni. Leikurinn fór alla leið í vítaspyrnukeppni og þar höfðu Víðismenn betur eftir eina umferð í bráðabana.

Ekkert mark var skorað eftir venjulegan leiktíma, og ekkert var heldur skorað í framlengingunni og því þurfti að grípa til vítaspyrnukeppni.

Keflavík, sem leikur í Inkasso-deildinni, klúðraði tveimur spyrnum, en Víðir, sem leikur í 2. deild, klúðraði aðeins einni.

Víkurfréttir hafa nú birt myndband af vítaspyrnukeppninni. Þar er einnig viðtal við Eyþór Guðmundsson, markvörð Víðis, en hann varði vítaspyrnur frá báðum „Víðismönnunum“ í liði Keflavíkur.

Hér að neðan má sjá vítaspyrnukeppnina og viðtalið.