Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 29. apríl 2017 15:37
Guðmundur Aðalsteinn Ásgeirsson
Ronaldo bætti tæplega 40 ára gamalt met
Þvílíkur leikmaður!
Þvílíkur leikmaður!
Mynd: Getty Images
Eftir að hafa komið Real Madrid 1-0 yfir gegn Valencia í leik sem er nú í gangi, þá er Cristiano Ronaldo formlega orðinn sá markahæsti frá upphafi í sex bestu deildum Evrópu.

Metið var 366 mörk og það átti enska goðsögnin Jimmy Greaves. Hann náði afrekinu í 566 leikjum, með liðum eins og Chelsea, AC Milan, Tottenham og West Ham.

Hann var búinn að halda metinu í tæp 40 ár, en í dag var það slegið! Það gerði Cristiano Ronaldo, hann skoraði sitt 367. mark gegn Valencia. Ótrúlegur ferill sem þessi leikmaður hefur átt.

Hann skoraði þrjú mörk fyrir Sporting Lisbon, 84 fyrir Manchester United og heil 280 fyrir Real Madrid!

Honum tókst líka að skora sín 367 mörk í 483 deildarleikjum, en það er 83 leikjum færra en Jimmy Greaves.



Athugasemdir
banner
banner