Diego Jóhannesson var allan tímann inn á vellinum þegar lið hans, Real Oviedo, beið ósigur gegn Levante á útivelli.

Diego, sem á íslenskan föður, hefur átt gott tímabil, en þó hefur hann verið mikið meiddur. Hann er kominn á fullt núna.

Hann var í byrjunarliðinu og spilaði allan leikinn í dag sem endaði þvi miður með 1-0 tapi. Sigurmarkið kom eftir tíu mínútur í seinni hálfleik, á 55. mínútu. Það skoraði Sergio Postiga fyrir Levante.

Real Oviedo er í harðri baráttu um umspilssæti, en það verður spennandi að sjá hvort þeim tekst að landa því. Mikið jafnræði er með liðunum sem eru að berjast um þessi mikilvægu sæti.