Real Madrid endurheimti toppsæti spænsku úrvalsdeildarinnar í dag. Þeir mættu Valencia í áhugaverðum leik.

Cristiano Ronaldo, sem fann sig ekki í El Clasico um síðustu helgi, skoraði fyrsta mark leiksins á 27. mínútu og bætti þar með tæplega 40 ára gamalt met Jimmy Greaves, en hann er nú markahæsti leikmaður sögunnar í bestu sex deildum Evrópu.

Ronaldo hefði getað bætt metið enn frekar á 57. mínútu, en vítaspyrna hans fór forgörðum, staðan enn 1-0.

Valencia jafnaði á 82. mínútu og virtust vera að taka stig, en bakvörðurinn Marcelo sá til þess að svo var ekki. Hann tryggði sigurinn á 86. mínútu og Real er nú fyrir ofan Barcelona.