Sóknarmaðurinn Aron Jóhannsson mun að öllum líkindum yfirgefa Werder Bremen í sumar. Félagið mun gefa honum leyfi fyrir því.
Aron, sem er bandarískur landsliðsmaður, er aftarlega í goggunarröðinni hjá Bremen. Hann gekk í raðir liðsins árið 2015 og hafa árin tvö verið erfið fyrir hann.
Aron, sem er bandarískur landsliðsmaður, er aftarlega í goggunarröðinni hjá Bremen. Hann gekk í raðir liðsins árið 2015 og hafa árin tvö verið erfið fyrir hann.
Hann hefur aðeins byrjað tvo leiki á þessu tímabili, fyrstu tvo leiki tímabilsins, en síðan þá hefur hann þurft að sætta sig við það að koma mikið inn á sem varamaður.
„Hann hefur ekki fengið spilatímann sem hann óskar eftir. Markmiðið hjá Aroni er að spila alltaf," sagði íþróttastjóri Bremen, Frank Baumann, við blaðamenn.
„Við þurfum að skoða stöðuna í sumar og sjá hvort að það sé vit í því fyrir okkur og fyrir hann að hann verði hér áfram."
Athugasemdir