fös 29. maí 2015 13:30
Magnús Már Einarsson
Liverpool getur keypt Benteke á 32,5 milljónir punda
Markaskorari.
Markaskorari.
Mynd: Getty Images
Tim Sherwood, stjóri Aston Villa, hefur staðfest að riftunarverð (e: release clause) í samningi Christian Benteke hljóðar upp á 32,5 milljónir punda.

Liverpool hefur áhuga á Benteke og Sherwood segir að leikmaðurinn geti farið ef að tilboð kemur upp á 32,5 milljónir punda.

„Það er riftunarverð í samningi hans og það er ómögulegt fyrir okkur að stöðva hann ef hann vill fara," sagði Sherwood.

Benteke hefur skorað tólf mörk í síðustu tólf leikjum en hann verður með Aston Villa í bikarúrslitaleiknum gegn Arsenal á morgun.

Benteke er 24 ára gamall en hann skrifaði undir fjögurra ára samning við Aston Villa árið 2013.
Athugasemdir
banner
banner
banner
banner