„Ég er bara gríðarlega ánægður með sigurinn fyrst og fremst,” sagði Halldór Jón Sigurðsson, þjálfari Þórs, eftir 4-2 sigur á Haukum í Inkasso deildinni í dag.
Lestu um leikinn: Þór 4 - 2 Haukar
„Við skoruðum fjögur mjög góð mörk, frábærlega vel gert, og hefðum klárlega átt að skora allavega þrjú, fjögur í viðbót, það hefði verið draumur. Hins vegar get ég ekki verið ósáttur með fjögur mörk, en það setti pínu svartan blett á leikinn, hvernig við byrjum hann. Við byrjuðum hann illa og vorum sofandi á verðinum í föstu leikatriði sem er óafsakanlegt.”
„Þetta er það sem við köllum hér í Þorpinu, Þórskarakterinn. Við höfum sýnt þetta margoft og núna síðast í síðasta leik, þar sem liðið jafnaði, við fengum kjaftshögg á okkur en komum svo til baka og vinnum leikinn þannig, HK leikinn. Við sýndum bara nákvæmlega sama karakter í dag, fengum kjaftshögg og skoruðum, brugðumst vel við. Svo eins og ég segi þá fannst mér það ekki vera nein spurning, við vorum betra liðið á vellinum og þessi sigur er verðskuldaður,” bætti Donni við.
Nánar er rætt við Donna hér að ofan.
Athugasemdir