„Já vissulega mjög súrt. Markið kemur í blálokin og maður var farinn að sjá fyrir sér að við gætum náð góðu stigi á útivelli en því miður. Það kemur þarna þriðja markið sem gerir það að verkum að við töpum". sagði svekktur Gunnlaugur Jónsson þjálfari ÍA sem töpuðu fyrir Víking R. með marki á lokamínútu leiksins í kvöld.
Lestu um leikinn: Víkingur R. 3 - 2 ÍA
„Þetta var mikið bingó bara fyrstu fimm mínúturnar. Við byrjuðum þetta frábærlega, er reyndar mjög ósáttur við þetta mark sem við fáum á okkur en það var frábært að svara strax 1-2 og mér fannst leikurinn fram að hálfleik spilast nokkuð vel fyrir okkur.
Við komum inn í hálfleikinn nokkuð sáttir og ætluðum að halda þessu en því miður að þá ná þeir betri völdum í seinni hálfleik og þrátt fyrir að við svörum með tveimur skiptingum sem mér fannst breyta hollningunni að þá sköpuðum við okkur ekki alveg nóg til að setja þriðja markið og það var þess vegna mjög sárt að þeir skildu gera það.
Stig í dag hefði verið mjög gott stig á erfiðum útivelli. En við þurfum að járna okkur undir stórleik í fallbaráttunni eins og þú kallar það á móti Þrótti næst"
Það var talað um að ÍA hefði átt að fá vítaspyrnu í fyrri hálfleik. Hvernig horfði það við þér?
„Ég verð því miður að viðurkenna að ég sá það ekki nógu vel. Ég bíð afar spenntur eftir að sjá þetta atvik í sjónvarpinu"
Athugasemdir