Seinni tveim leikjum dagsins í Inkasso deildinni lauk nú rétt í þessu þar sem KA-menn gerðu góða ferð austur á meðan Selfoss fór illa með HK í Kórnum í Kópavogi.

Ásgeir Sigurgeirsson reyndist hetja KA-manna því hann gerði eina mark leiksins í uppbótartíma fyrri hálfleiks. Fáskrúðsfirðingar sitja því einir á botni deildarinnar, stigalausir eftir fjóra leiki.

HK-ingar hafa einu stigi meira í ellefta sætinu en Kópavogsliðið steinlá fyrir Selfyssingum í dag.