Lestu um leikinn: Þór 4 -  2 Haukar

„Við vorum með leikinn algjörlega í okkar höndum, svo gerum við svolítið barnaleg mistök og erum gríðarlega miklir klaufar í mörkunum. Við hleyptum Þórsurum inn og þeir nýttu það vel,” bætti Lúkas við.

Haukar byrjuðu leikinn vel og komust yfir, en misstu svo dampinn og Þór tók öll völd á vellinum.
„Það er svolítið erfitt að útskýra, þeir voru mikið að kýla háum boltum upp í Gunna og Jóhann Helga og þeir ná í fráköst númer tvö. Þetta er mikið þessi hái bolti sem við náum ekki að svara nógu vel, við áttum að gera það, en eftir það verður mikill barningur. Við áttum dauðafæri í stöðunni 3-1 en náum ekki að klára og þá fáum við bara beint í andlitið. Þeir voru beittir í skyndisóknum, við vorum ekki nógu vel vakandi í því.”

Gunnar Örvar Stefánsson kom inná í liði Þórs í fyrri hálfleik og réðu Haukamenn lítið sem ekkert við hann.
„Greinilega. Skoraði hann ekki tvö mörk? Hann var bara mjög öflugur, var bæði mjög sterkur í loftinu og skoraði svo tvö mörk, það segir sitt.”

Nánar er rætt við Lúkas hér að ofan.