„Þetta var mjög ljúft. Ég sagði við strákana ef þið haldið áfram að spila svona spennumikla leiki að þá stytta þeir lífið mitt um tíu ár en ef við vinnum alla leiki sem eftir er að þá er ég alveg tilbúinn þær lífslíkur á mig" sagði kampakátur Milos Milojevic eftir sigur á móti ÍA í kvöld.
Lestu um leikinn: Víkingur R. 3 - 2 ÍA
„Við áttum dauðafæri á 80 mínútu en þegar við skorum ekki úr því að þá er ég byrjaður að efast en strákarnir voru ekki á sömu blaðsíðu sem betur fer og klára þetta á 90 mínútu með frábæru skoti frá Ívari en til þess erum við með hann, upp á þennan vinstri fót.
Framherjarnir mínir eru núna ef ég man rétt allir komnir á blað. Gary búinn að skora, Viktor búinn að skora, Tufa búinn að skora og Óttar skora 4 mörk í 4 leikjum. Mér er alveg sama hver skorar á meðan þeir skora. Ég myndi kaupa það að þeir myndu skora aðeins meira en þeir skora og æfa meira á æfingasvæði og skora fleiri mörk , það er engin önnur lausn"
Athugasemdir