Leikið var á Fellavelli og unnu Framarar sinn fyrsta sigur í deildinni í ár eftir mark frá Ivan Bubalo á 13.mínútu leiksins.

„Þetta var erfiður leikur fyrir okkur. Við héldum áfram að spila góðan varnarleik og náum að halda hreinu. Þetta eru mikilvæg þrjú stig fyrir okkur og förum ánægðir heim," sagði Tillen.

Tillen er nokkuð ánægður með byrjun Fram á tímabilinu en liðið hefur fimm stig að loknum fjórum leikjum.

„Við erum alltaf að bæta okkur. Við fengum þrjú mörk á okkur í fyrsta leiknum á móti KA en síðan þá höfum við verið mjög skipulagðir," sagði Tillen.