Heimild: MBL
MBL greinir frá því að Haraldur Björnsson mun ekki verja mark Stjörnunnar næstu vikurnar eftir að hafa handarbrotnað á æfingu í dag.
Haraldur er búinn að standa sig vel með Stjörnunni í upphafi tímabils en missir af gífurlega mikilvægum leikjum vegna meiðslanna.
Haraldur er búinn að standa sig vel með Stjörnunni í upphafi tímabils en missir af gífurlega mikilvægum leikjum vegna meiðslanna.
Á miðvikudaginn á Stjarnan stórleik við Val í 16-liða úrslitum Borgunarbikarsins og á sunnudaginn er leikur gegn Íslandsmeisturum FH í deildinni.
Sveinn Sigurður Jóhannesson mun verja mark Stjörnunnar næstu vikurnar og hefur Rúnar Páll Sigmundsson, þjálfari Garðbæinga, fulla trú á varamarkverðinum.
„Það er synd að þetta gerist núna, en við treystum Svenna fullkomlega í þetta verkefni. Við erum með tvo hörkumarkmenn svo þetta hefur engin áhrif á okkur," sagði Rúnar, sem reiknar með að Haraldur verði frá keppni í 3 til 4 vikur.
Athugasemdir
