„Við byrjuðum þennan leik mjög illa," sagði Kjartan Stefánsson, þjálfari kvennaliðs Hauka, eftir 4-1 tap á heimavelli gegn Val í 7.umferð Pepsi deildar kvenna.
Lestu um leikinn: Haukar 1 - 4 Valur
„Fyrsta markið var alveg hrikalega ódýrt. Engu að síðar þá var Valur að spila alveg frábærlega í dag og að sama skapi vorum við bara mjög slappar í fyrri hálfleik. Þetta jafnaðist aðeins út þarna í seinni hálfleiknum en klárlega versti leikur okkar í mótinu hingað til. Það er ákveðið áhyggjuefni en Valsarar eru að vakna til lífsins."
„Við erum ágætar svona við og við í uppspilinu en varnarlega þá erum við ekki í stöðum og féllum alltof aftarlega. Við töluðum fyrir leik að við ætluðum að mæta þeim svolítið en við héldum ekki alveg skipulagi í dag."
„Mér fannst það ekkert í upphafi að við værum að bera of mikla virðingu fyrir þeim. Vissulega þá er Valur flott lið eins og flest lið sem við erum búin að spila við. Ég held bara að það sé að bíta okkur svolítið þetta mótafyrirkomulag. Við erum að spila rosalega marga leiki, sömu leikmenn að spila hjá okkur og við erum í smá meiðslum."
Athugasemdir