Joe Funicello, fyrrum leikmaður Þórs, verður BÍ/Bolungarvík til aðstoðar næsta mánuðinn.
Joe, sem spilaði með Þór frá 2010-2013, mun aðstoða Jón Hálfdán Pétursson þjálfara BÍ/Bolungarvíkur tímabundið.
Joe, sem spilaði með Þór frá 2010-2013, mun aðstoða Jón Hálfdán Pétursson þjálfara BÍ/Bolungarvíkur tímabundið.
„Hann er í heimsókn í mánuð og bauð fram aðstoð sína á meðan hann er hér," sagði Samúel Samúelsson formaður BÍ/Bolungarvíkur.
„Við sjáum til hvað gerist eftir það. Ef þetta hjálpar eitthvað þá skoðum við hvort það sé hægt að halda honum lengur."
Nigel Quashie var áður spilandi aðstoðarþjálfari hjá BÍ/Bolungarvík en hann hætti í vor og einbeitir sér nú að þjálfun yngri flokka á Vestfjörðum.
BÍ/Bolungarvík er í botnsætinu í 1. deildinni með þrjú stig en stefnt er á að fá liðsstyrk í júlí.
Athugasemdir