Fylkisliðið vann góðan 4-0 sigur á Aftureldingu á heimavelli í 8. umferð Pepsi-deildar kvenna í kvöld. Fyrsti sigur liðsins í deildinni frá því í fyrstu umferðinni.
Þrjú stig munaði á liðunum fyrir leikinn, en Fylkir sýndi það í leiknum að þær hafa verið að spila langt undir getu í síðustu leikjum. Það var því mikill léttir fyrir Jörund Áka þjálfara Fylkis að hafa stjórnað liðinu loks, til sigurs í kvöld.
Þrjú stig munaði á liðunum fyrir leikinn, en Fylkir sýndi það í leiknum að þær hafa verið að spila langt undir getu í síðustu leikjum. Það var því mikill léttir fyrir Jörund Áka þjálfara Fylkis að hafa stjórnað liðinu loks, til sigurs í kvöld.
Lestu um leikinn: Fylkir 4 - 0 Afturelding
„Við náðum aðeins að fylgja eftir góðum seinni hálfleik gegn ÍBV. Ég var virkilega ánægður með stelpurnar í dag. Þetta var sanngjarn og sannfærandi sigur í dag."
„Við fengum þónokkuð af góðum færum og vorum að opna þær mjög vel. Við vissum að þetta yrði þolinmæðisleikur og þær eru þéttar til baka og eru að berjast fyrir lífi sínu í þessari deild. Við vissum að þetta gæti orðið erfitt en mér fannst við hafa góð tök af leiknum allan leikinn," sagði Jörundur sem vonast til að þetta muni gefa þeim eitthvað í kjölfarið.
„Þetta hefur verið svolítið erfitt hjá okkur undanfarið. Vonandi hleypur þetta smá lífi í okkur og gefur okkur sjálfstraust í framhaldinu. Við eigum bikarleik gegn Grindavík og við erum strax farin að hugsa út í þann leik," sagði Jörundur Áki að lokum.
Viðtalið í heild sinni er hægt að sjá í sjónvarpinu hér að ofan.
Athugasemdir