„Ég er mjög ánægður með að geta greint frá því að ég er búinn að skrifa undir hjá Arsenal," sagði Cech og birti myndina hér til hliðar á Twitter síðu sinni.

„Ég hélt að þetta myndi aldrei gerast en nú er kominn tími á að ég kveðji Chelsea. Ég hélt að ég myndi spila hér þar til að hanskarnir myndu fara upp á hillu en lífið er ekki alltaf eins og þú reiknar með," bætti Cech við í kveðjubréfi til stuðningsmanna Chelsea.

Cech vildi vera áfram í London og hann var ekki lengi að ákveða sig þegar Arsenal sýndi áhuga. „Ákvörðun mín lá fyrir þegar Arsene Wenger ræddi við mig um metnað félagsins og hvernig hann sér mig sem hluta af liðinu," sagði Cech einnig.