Eftir að Lars Lagerback hafði rætt um gul spjöld og leikbönn kom Heimir með skemmtilegt innlegg.

Í deildarkeppni á Íslandi fara leikmenn í bann eftir fjögur gul spjöld og Heimir grínaðist með það að leikmenn á Íslandi noti sérstakt bragð til að sleppa við leikbönn.

„Á Íslandi þegar einhver var á þremur gulum spjöldum þá skiptumst við bara á treyjum og enginn vissi hver átti að fá spjaldið," sagði Heimir og uppskar hlátur frá fréttamönnum.

Heimir var þó fljótur að leiðrétta fyrir erlenda fjölmiðla að um grín hefði verið að ræða.