Yohan Cabaye gæti komið inn fyrir Kante.
Franskir fjölmiðlar eru byrjaðir að velta því fyrir sér hver tekur sæti N'Golo Kante í leiknum gegn Íslandi á sunnudag. Kante er í banni gegn Íslandi líkt og Adil Rami, miðvörður Sevilla.
Líklegast er að Samuel Umtiti, varnarmaður Lyon, komi inn í hjarta varnarinnar fyrir Rami.
Líklegast er að Samuel Umtiti, varnarmaður Lyon, komi inn í hjarta varnarinnar fyrir Rami.
Meira spurningamerki er hver mun taka stöðu Kante á miðjunni. Yohan Cabaye gæti komið inn sem djúpur miðjumaður en hann var frábær gegn Sviss í riðlakeppninni.
Annar möguleiki er að Kingsley Coman eða Moussa Sissoko komi á hægri kantinn og Antoine Griezmann færi sig þá af hægri kantinum og yfir á miðjuna.
Ef það verður niðurstaðan þá verða Paul Poba og Blaise Matuidi fyrir aftan Griezmann á miðjunni en þeir hafa verið vanir því að hafa Kante fyrir aftan sig í keppninni hingað til.
Varnarlega gætu Frakkar því verið opnari á sunnudag ef þetta verður niðurstaðan en sóknarlega yrði miðjan gríðarlega öflug.
Sjá einnig:
Frakkar án fimm miðvarða - Byrjar nýliði gegn Íslandi?
Athugasemdir
