Ólafur Brynjólfsson þjálfari kvennaliðs Vals í Pepsi-deild kvenna var virkilega ánægður með sigur sinna stelpna á Þór/KA í 6. umferð deildarinnar í dag.
Öruggur og sanngjarn 6-1 sigur Vals staðreynd sem var síst of stór miðað við gang leiksins. Valur fer þar með uppfyrir Þór/KA í deildinni með sigrinum.
Öruggur og sanngjarn 6-1 sigur Vals staðreynd sem var síst of stór miðað við gang leiksins. Valur fer þar með uppfyrir Þór/KA í deildinni með sigrinum.
Lestu um leikinn: Valur 6 - 1 Þór/KA
„Þetta var mun auðveldari sigur en ég átti von á. Við spiluðum auðvitað ótrúlega vel og létum boltann ganga. Við vorum mjög hættulegar og sköpuðum okkur rosalega mikið af færum. Heilt yfir er ég gríðarlega ánægður með stelpurnar, hvernig við spiluðum þennan leik og allar lögðu sig fram."
„Ef það er eitthvað, þá er það það, að færanýtingin var ekki nægilega góð. Að sama skapi fannst mér Þór/KA liðið sem er með mjög sterkt lið að það er einhver þreyta sem sest þar á. Það hjálpaði okkur," sagði Ólafur sem gat verið nokkuð sammála því að þetta hafi verið besti leikur liðsins í sumar.
„Þetta datt inn núna. Við höfum verið ágætar í sumar. Við höfum kannski ekki verið að skora úr færum og fengið á okkur óheppin mörk en í dag var þetta frábært frá fremsta manni til aftasta."
Viðtalið í heild sinni má sjá í sjónvarpinu hér að ofan.
Athugasemdir
