Harpa Þorsteinsdóttir gerði þrennu fyrir Stjörnuna í dag en Eyjastúlkur byrjuðu þó leikinn vel en gátu þó ekki búið til mörk úr góðri byrjun.

,,Við eyddum rosalegri orku í fyrsta hálftímann. Þær voru svosem ekki búnar að gera neitt í leiknum en þær kunna að nýta sér aðstæður og gera það best úr þeim, þetta er frábært lið," sagði Jón Ólafur við Fótbolta.net.

,,Það hefur borið dálítið á því í sumar þegar við erum að búa til dauðafæri þá vantar kannski smá gæði í sendinguna þá náum við kannski að fá færri færi en við erum lánlausar og erum að reyna að vinna í því."

,,Það eru ekki meir en sjö ár síðan kvennafótbolti var ekki til í ÍBV, hvorki annar né meistaraflokkur. Það hefur verið gríðarlegur stígandi í þessu og það kemur að því að það kemur dýfa í þetta og það er sennilega núna. Aldrei uppgjö í Vestmanneyingum, við reynum að finna lausnir og vonandi tekst það."

,,Við höfum verið rosalega lánlausar í sumar. Í stöðunni 0-0 í dag eigum við að fá vítaspyrnu, klárlega hendi innan vítateigs en það fellur bara ekki með okkur," sagði hann ennfremur.

Hægt er að sjá viðtalið í heild sinni hér fyrir ofan.