Síðasta leik kvöldsins í 1.deild karla var að ljúka nú rétt í þessu á Þórsvelli á Akureyri.

Þar voru Vestfirðingar í heimsókn hjá Þórsurum. Jóhann Helgi Hannesson átti stórleik í liði Þórs en hann gerði fyrsta mark leiksins eftir aðeins tvær mínútur. Pape Mamadou Faye jafnaði hinsvegar metin eftir hálftíma leik.

Í kjölfarið tóku heimamenn öll völd á vellinum og unnu að lokum fimm marka sigur.

Þórsarar eru nú í 3. sæti deildarinnar með 27 stig, fimm stigum frá 2. sætinu. BÍ/Bolungarvík er límt við botnsætið og þarf á kraftaverki að halda.

VIðtöl og skýrsla úr leiknum eru væntanlega á síðuna í kvöld.