Einum leik er lokið í 3.deild karla í kvöld.

Álftanes hélt til Vestmannaeyja þar sem liðið lék gegn KFS. Gestirnir sáu aldrei til sólar og höfðu Eyjamenn að lokum 5-2 sigur þar sem bæði Óskar Elías Óskarsson og Yngvi Magnús Borgþórsson voru á markalistanum en þeir færðu sig um set frá ÍBV til KFS fyrr í dag.

Úrslitin þýða að Álftanes situr sem fastast á botni deildarinnar með 6 stig en KFS hefur tíu stigum meira í 6.sæti deildarinnar.

Markaskorarar af Úrslit.net.