Roma hefur fengið markvörðinn Wojciech Szczesny á láni frá Arsenal.
Szczesny missti sæti sitt til David Ospina á síðasta tímabili og nú er hann orðinn þriðji markvörður Arsenal eftir að Petr Cech kom til félagsins frá Chelsea.
Pólverjinn mun nú spila í Serie A á komandi tímabili.
Arsene Wenger, stjóri Arsenal, sagði á dögunum að Szczesny eigi ennþá framtíð hjá Arsenal.
„Szczesny á framtíð hér því að ég met hann mikils. Hann er nú þegar með mjög mikla reynslu," sagði Wenger.
Athugasemdir