„Ég talaði við Cristiano Ronaldo. Hann óskaði mér til hamingju og sagðist vera ánægður fyrir mína hönd, en ég er áfram andstæðingur hans rétt eins og ég var hjá Valencia. Það er engin vinátta þegar leikurinn er flautaður á," sagði Gomes við TV3.

„Ég nýt þess að spila með honum með portúgalska landsliðinu en núna hlakka ég mest til að byrja að spila með Messi."

Gomes og Ronaldo unnu Evrópumótið í Frakklandi saman og það verður áhugavert að sjá hvernig Portúgalanum mun ganga hjá sínu nýja félagi þar sem hann berst við menn á borð við Sergio Busquets, Ivan Rakitic og Sergi Roberto um byrjunarliðssæti.