Harry Redknapp mun skrifa undir nýjan samning við QPR til tveggja ára. Þessi litríki knattspyrnustjóri er harðákveðinn í að halda liðinu uppi í úrvalsdeildinni.
QPR hefur tapað fyrstu tveimur leikjum sínum á tímabilinu, þar á meðal 4-0 gegn Tottenham síðasta sunnudag.
„Kannski skrifa ég undir samninginn á morgun. Hann er allavega kominn í mínar hendur. Ég er ekki búinn að lesa hann og mun líklega ekki gera það. Ég skrifa bara undir," sagði Redknapp léttur.
QPR mætir Sunderland á Loftus Road á laugardag og vonast til að vinna fyrsta sigur tímabilsins.
Athugasemdir