fös 29. ágúst 2014 08:00
Ívan Guðjón Baldursson
Heimild: Soccerway 
Ronaldo: Di Maria mun standa sig vel
Cristiano Ronaldo var eitt sinn leikmaður númer 7 hjá Rauðu djöflunum.
Cristiano Ronaldo var eitt sinn leikmaður númer 7 hjá Rauðu djöflunum.
Mynd: Getty Images
Cristiano Ronaldo býst við því að Angel Di Maria sé að fara að gera góða hluti í treyju númer 7 hjá Manchester United.

Ronaldo gerði garðinn frægan hjá Man Utd og var þar í sex sigursæl tímabil áður en hann var seldur til Real Madrid á metfé.

Hjá Real áttu Di Maria og Ronaldo gott samstarf og nú hefur Argentínumaðurinn verið keyptur til Englands og tekur hann við gömlu treyju manna á borð við Ronaldo og David Beckham.

,,Þetta er gott fyrir Di Maria. Manchester United er eitt af bestu félagsliðum í heimi, þetta verður gott fyrir hann og ég óska honum góðs gengis," sagði Ronaldo um félagsskiptin.

,,Hann mun standa sig vel hjá Manchester United, hann á allt gott skilið, hann er stórkostlegur leikmaður.

,,Ég sagði við hann að treyju númer 7 fylgir mikil ábyrgð og ég held að hann muni standast ábyrgðina og væntingarnar því hann er magnaður knattspyrnumaður."

Athugasemdir
banner
banner
banner
banner