Atli Jóhannsson liggur í grasinu eftir viðskipti sín við Kovacic.
Mateo Kovacic vonar að þrennan gegn Stjörnunni í 6-0 sigrinum í gær sé bara byrjunin á markaskorun sinni fyrir Inter.
Þessi geðþekki króatíski miðjumaður hafði ekki skorað fyrir Inter áður en að leiknum kom. Hann er hinsvegar kallaður "Kóngurinn á San Siro" í fyrirsögn á forsíðu La Gazzetta dello Sport í morgun.
Þessi geðþekki króatíski miðjumaður hafði ekki skorað fyrir Inter áður en að leiknum kom. Hann er hinsvegar kallaður "Kóngurinn á San Siro" í fyrirsögn á forsíðu La Gazzetta dello Sport í morgun.
„Ég var orðinn pirraður því mörkin komu ekki fyrr," sagði Kovacic eftir leikinn í gær.
„Ég held og vona að ég verði enn sterkari á þessu tímabili. Vonandi koma fleiri mörk frá mér núna. Þjálfarinn hvetur mig alltaf til að koma mér inn í teiginn og það skilaði sér núna."
Athugasemdir
