KA er komið upp fyrir Þrótt og í 2. sæti 1. deildarinnar eftir 3-0 heimasigur gegn HK. Þetta miðast við að staðan sé óbreytt í leik Þróttar gegn Fjarðabyggð.

Akureyrarliðið heldur áfram ótrúlegri sigurgöngu sinni og gæti farið upp í Pepsi-deildina eftir allt saman.

Elfar Árni Aðalsteinsson kom liðinu yfir gegn HK rétt fyrir leikhlé og Josip Serdarusic tvöfaldaði forystu Akureyringanna eftir stundarfjórðung af seinni hálfleik.

Elfar Árni kláraði svo leikinn og skaut KA upp fyrir Þrótt á markatölu með marki á 89. mínútu. Þróttur mætir nú Fjarðabyggð og er staðan þar 1-0 fyrir þeim síðarnefndu.