ÍA heimsótti Fjarðabyggð í fyrri leik liðanna í úrslitakeppni 1. deildar kvenna í dag.

Skagastúlkur unnu leikinn 3-0 og komu öll mörkin á sex mínútna kafla, eitt undir lok fyrri hálfleiks og tvö í upphafi þess síðari.

Maren Leósdóttir gerði fyrsta markið áður en Megan Dunnigan og Emilía Halldórsdóttir bættu tveimur mörkum við með skömmu millibili.

Spilað var á Norðfjarðarvellinum og mætast liðin í síðari leiknum á Akranesi á þriðjudaginn.