Brynjar Jónasson.
Brynjar Jónasson úr Fjarðabyggð var á föstudag útnefndur bæði leikmaður ársins og efnilegastur í 2. deild karla. Þá fékk hann einnig gullskóinn sem markakóngur.
Brynjar stimplaði sig rækilega til leiks á fyrsta ári í meistaraflokki. Eftir að hafa leikið með FH í yngri flokkunum gekk hann til liðs við Fjarðabyggð síðasta vetur. Brynjar fór á kostum í framlínu Fjarðabyggðar í sumar en hann skoraði 19 mörk og var markahæstur í deildinni.
Brynjar stimplaði sig rækilega til leiks á fyrsta ári í meistaraflokki. Eftir að hafa leikið með FH í yngri flokkunum gekk hann til liðs við Fjarðabyggð síðasta vetur. Brynjar fór á kostum í framlínu Fjarðabyggðar í sumar en hann skoraði 19 mörk og var markahæstur í deildinni.
Sjá einnig:
Lið ársins og bestu menn í 1. deild 2014
Lið ársins og bestu menn í 2. deild 2014
„Ég held að ég hefði ekki getað beðið um betra sumar. Það er Fjarðabyggð að þakka að ég fékk þetta tækifæri," sagði Brynjar í viðtali.
„Þetta er allt annað en að spila í 2. flokki, betri fótbolti og meiri harka. Það var frábært fyrir austan. Við bjuggum saman félagarnir og elduðum. Þetta var veisla."
Brynjar er samningslaus eftir tímabilið og segir ekki ljóst hvað tekur við en hann er opinn fyrir því að spila með Fjarðabyggð í 1. deildinni næsta sumar. Viðtalið má sjá í sjónvarpinu hér að ofan.
Athugasemdir
