5 dagar í úrslitaleik FH og Stjörnunnar
Einar Magnús Einarsson veðurfræðingur.
,,Staðan er eiginlega þannig að það þarf að tví- eða þrítryggja spána, hún er það óljós," segir Einar Magnús Einarsson veðurfræðingur um veðurspána fyrir stórleik FH og Stjörnunnar á laugardag.
Veðrið var ekki gott á höfuðborgarsvæðinu í morgun Einar Magnús segir að veðrið verði heldur ekki gott næstu dagna.
Veðrið var ekki gott á höfuðborgarsvæðinu í morgun Einar Magnús segir að veðrið verði heldur ekki gott næstu dagna.
,,Næstu daga koma lægðirnar á færibandi hér upp að landinu og er þar laugardagurinn engin undantekning. En spurningin er hvar lægðin lendir og þá úr hvaða átt blæs og hversu mikil úrkoman verður."
,,Þær langtímaspár sem maður horfir hvað mest til eru mjög ósammála. Önnur segir: Austanátt, rigning og 7 stiga hita, en hin hæg vestlæg átt, skúrir en svipað hitastig. Góðu fréttirnar eru kannski að hvorug spáin gerir ráð fyrir óveðri eins og var í morgun."
Einar Magnús bíður eins og margir spenntir eftir leiknum á laugardag en hann spáir Garðbæingum sigri. ,,Þar sem ég er búinn að þrítryggja veðurspána þá ætla ég að vera afdráttarlaus í spánni fyrir leikinn: Fyrsta tap FH í sumar, 1-2 fyrir Stjörnuna," segir Einar.
Athugasemdir
