fim 29. september 2016 14:00
Fótbolti.net
Lið 17. umferðar í Pepsi kvenna: Tvær frá ÍA þrátt fyrir tap og fall
Sandra Maria skoraði eitt og lagði upp þrjú.
Sandra Maria skoraði eitt og lagði upp þrjú.
Mynd: Fótbolti.net - Sævar Geir Sigurjónsson
Katrín skoraði tvívegis fyrir Stjörnuna í umferðinni.
Katrín skoraði tvívegis fyrir Stjörnuna í umferðinni.
Mynd: Fótbolti.net - Hafliði Breiðfjörð
Fótbolti.net gerir Pepsi-deild kvenna góð skil í sumar. 17. umferðin og þar með sú næst síðasta fór fram síðastliðinn laugardag og nú er komið að því að opinbera lið umferðarinnar.


Abigail Cottam og Cloe Lacasse voru allt í öllu í sóknarleik ÍBV í 5-0 sigri liðsins á FH í Hafnarfirðinum. Cottam skoraði tvö og lagði upp önnur tvö. Cloe var ekki síðri, hún skoraði tvö og lagði upp annað.

Annar stórsigur leit dagsins ljós á Akureyri þegar Þór/KA fór illa með Fylki, 6-0. Þar voru Söndrurnar í liði Þór/KA á eldi. Sandra Mayor Gutierrez var frábær í leiknum, skoraði tvö mörk og hefði hæglega getað skorað fleiri. Hin Sandran, Sandra Maria Jessen var funheit, skoraði eitt og lagði síðan upp þrjú mörk á liðsfélaga sína. Natalia Esteva var einnig gríðarlega vinnusöm á miðjunni, skoraði eitt og lagði upp annað.

Eftir markalausan fyrri hálfleik í Frostaskjólinu í leik KR og Stjörnunnar komu þrjú Stjörnumörk í seinni hálfleiknum og þær halda toppsætinu. Katrín Ásbjörnsdóttir var sífellt ógnandi og skoraði tvívegis í leiknum. Lára Kristín Pedersen var mjög örugg í sínum aðerðum og braut niður ófáar sóknir KR.

Mist Edvardsdóttir var yfirburðarleikmaður á vellinum í 3-1 sigri Vals gegn Selfossi. Hún var óaðfinnanleg í leiknum en auk þess að stjórna spili Vals skoraði hún tvö góð mörk. Thelma Björk Einarsdóttir átti einnig góðan leik í liði Vals.

Þrátt fyrir 2-0 tap ÍA gegn Breiðablik og þar með fall staðreynd á ÍA tvo leikmenn í liði umferðarinnar. Jaclyn Pourcel átti frábæran leik í miðverðinum hjá ÍA. Þá átti markvörður Skagamanna, Ásta Vigdís Guðlaugsdóttir einnig flottan leik.

Úrvalslið 17. umferðar Pepsi-deildar kvenna:
Ásta Vigdís Guðlaugsdóttir - ÍA

Jaclyn Porucel - ÍA
Mist Edvardsdóttir - Valur
Thelma Björk Einarsdóttir - Valur

Cloe Lacasse - ÍBV
Lára Kristín Pedersen - Stjarnan
Natalia Esteva - Þór/KA
Katrín Ásbjörnsdóttir - Stjarnan

Sandra Mayor Gutierrez - Þór/KA
Abigail Cottam - ÍBV
Sandra María Jessen - Þór/KA

Athugasemdir
banner
banner
banner
banner
banner