Francesco Guidolin, knattspyrnustjóri Swansea, viðurkennir að hann gæti verið rekinn frá félaginu ef honum mistekst að stýra þeim til sigurs gegn Liverpool um helgina.
Swansea er í 17. sæti deildarinnar eftir einn sigur í fyrstu sex leikjum tímabilsins. Hann segist hafa rætt við Huw Jenkins, framkvæmdastjóra félagsins um framtíð sína.
Ítalinn var spurður út í framtíð sína á fréttamannafundi í dag og hvort leikurinn gegn Liverpool gæti verið hans síðasti.
„Kannski, það gæti veirð svoleiðis. Ég talaði við framkvæmdastjórann í síðustu viku en ég ætla að einbeita mér að leiknum gegn Liverpool. Tap gæti kostað mig starfið," sagði hann.
Athugasemdir