Aron Jóhannsson, leikmaður AZ Alkmaar í Hollandi, lék sinn fyrsta leik með félaginu á tímabilinu er liðið vann GVVV Veenendaal með fimm mörkum gegn engu.
Aron hefur ekkert verið með AZ á tímabilinu vegna meiðsla en hann fór í uppskurð eftir HM sem fór fram í Brasilíu í sumar.
Hann lék þar einn leik fyrir hönd bandaríska landsliðsins en hafði verið að glíma við meiðsli í ökkla, nára og tá.
Hann lék með varaliði AZ á dögunum þar sem hann skoraði en hann lék fyrsta klukkutímann í kvöld áður en honum var skipt af velli fyrir Rasmus Elm.
Athugasemdir