Zlatan gaf það í skyn á dögunum að það væri orðið of seint fyrir hann að spila í ensku úrvalsdeildinni en Olsson er ekki viss um það.

„Hann er ennþá á toppnum. Hann er besti leikmaður sem ég hef mætt og ég vona innilega að hann komi til Englands."

„Þegar Zlatan er í gírnum er hann hæfileikaríkasti leikmaður heims." segir Olsson.

Olsson leikur með WBA og hefur gert undanfarin sjö ár. Hann segir Zlatan enn hafa margt að sanna í Englandi.

„Hann hefur unnið með Mourinho áður en England er eini staðurinn í heiminum þar sem Zlatan er ekki algjörlega metinn að verðleikum."

„Ég vil meina að hann geti spilað fyrir hvaða lið sem er í ensku úrvalsdeildinni. Hann er ennþá það góður."