Roma tapaði óvænt á heimavelli í ítalska boltanum í dag þegar Atalanta kom í heimsókn. Þrír leikmenn fengu rautt spjald á lokamínútum leiksins en ekki tókst heimamönnum að skora þrátt fyrir að enda leikinn manni fleiri.

Emil Hallfreðsson lék allan leikinn í liði Verona sem tapaði fyrir nýliðum Frosinone og er enn sigurlaust á botni deildarinnar, með sex stig eftir fjórtán umferðir.

Emil og félagar áttu mjög góðan leik þrátt fyrir að hafa misst markvörð sinn af velli snemma í fyrri hálfleik. Heimamenn skoruðu úr vítaspyrnunni og komust þremur mörkum yfir, en gestirnir frá Verona minnkuðu muninn niður í eitt mark og komust nálægt því að jafna á lokasprettinum en það hafðist ekki.