banner
   mið 29. nóvember 2017 13:49
Magnús Már Einarsson
Stóri Sam nýr stjóri Everton (Staðfest)
Stóri Sam er mættur aftur.
Stóri Sam er mættur aftur.
Mynd: Getty Images
Sam Allardyce hefur verið ráðinn stjóri Everton. Sam mun fylgjast með heimaleiknum gegn West Ham í kvöld úr stúkunni áður en hann tekur formlega til starfa.

Stóri Sam hefur verið í fríi í Dubai en hann mætti til Englands í morgun til að skrifa undir samninginn hjá Everton. Sam hefur komið víða við á ferlinum en hann stýrði síðast Crystal Palace á síðasta tímabili.

Ronald Koeman var rekinn frá Everton fyrir rúmum mánuði og David Unsworth hefur stýrt liðinu síðan þá. Unsworth stýrir sínum síðasta leik í kvöld áður en Sam tekur við.

„Ég vil gefa honum stuðninginn sem hann þarf. Hann getur náð eins langt og hann vill," sagði Farhad Moshiri, eigandi Everton, um Sam.

Sammy Lee, fyrrum leikmaður og aðstoðarstjóri Liverpool, kemur með stóra Sam til Everton en þeir hafa áður unnið saman hjá Bolton, Crystal Palace og enska landsliðinu.

Unsworth mun fara aftur til fyrri starfa sem þjálfari U23 ára liðs Everton en auk þess verður harðjaxlinn Duncan Ferguson áfram í þjálfarateyminu.

Þá ætlar stóri Sam að fá Craig Shakespeare til að vera einnig sér til aðstoðar. Shakespeare var rekinn frá Leicester á dögunum en hann var aðstoðarmaður Sam í þann stutta tíma sem hann stýrði enska landsliðinu.

Upphaflega vildi Everton gera samning við Sam út tímabilið en þá slitnaði upp úr viðræðum. Talið er að samningur hans við félagið sé nú til lengri tíma.
Stöðutaflan England Premier league - karlar
  L U J T ms: mf: mun Stig
1 Arsenal 28 20 4 4 70 24 +46 64
2 Liverpool 28 19 7 2 65 26 +39 64
3 Man City 28 19 6 3 63 28 +35 63
4 Aston Villa 29 17 5 7 60 42 +18 56
5 Tottenham 28 16 5 7 59 42 +17 53
6 Man Utd 28 15 2 11 39 39 0 47
7 West Ham 29 12 8 9 46 50 -4 44
8 Brighton 28 11 9 8 50 44 +6 42
9 Wolves 28 12 5 11 42 44 -2 41
10 Newcastle 28 12 4 12 59 48 +11 40
11 Chelsea 27 11 6 10 47 45 +2 39
12 Fulham 29 11 5 13 43 44 -1 38
13 Bournemouth 28 9 8 11 41 52 -11 35
14 Crystal Palace 28 7 8 13 33 48 -15 29
15 Brentford 29 7 5 17 41 54 -13 26
16 Everton 28 8 7 13 29 39 -10 25
17 Luton 29 5 7 17 42 60 -18 22
18 Nott. Forest 29 6 7 16 35 51 -16 21
19 Burnley 29 4 5 20 29 63 -34 17
20 Sheffield Utd 28 3 5 20 24 74 -50 14
Athugasemdir
banner
banner
banner