Leikmenn Tottenham fá að hvíla sig yfir áramótin því næsti leikur liðsins er ekki fyrr en 2. janúar, gegn Swansea.
Harry Kane er búinn að vera í fantaformi yfir hátíðarnar og búinn að gera sex mörk í síðustu tveimur leikjum, þrennu gegn Burnley og þrennu gegn Southampton.
Harry Kane er búinn að vera í fantaformi yfir hátíðarnar og búinn að gera sex mörk í síðustu tveimur leikjum, þrennu gegn Burnley og þrennu gegn Southampton.
Mauricio Pochettino, stjóri Tottenham, segir ekki ljóst hvort Kane nái leiknum í Wales.
„Hann er veikur heima. Læknirinn var að heimsækja hann rétt í þessu. Þetta er ekki stórt vandamál, við verðum að bíða og sjá hvernig hann bregst við lyfjameðferðinni," sagði Pochettino á fréttamannafundi.
„Við vitum ekki hvort hann verði tilbúinn til að spila 90 mínútur gegn Swansea, það verður að koma í ljós."
Belgíski miðjumaðurinn Mousa Dembele er einnig tæpur fyrir leikinn gegn Swansea eftir að hafa orðið fyrir minniháttar meiðslum í 5-2 sigrinum á Southampton.
Tottenham er í fimmta sæti ensku deildarinnar, einu stigi frá Liverpool í meistaradeildarsæti. Swansea er á botninum og að spila í fyrsta sinn undir stjórn Carlos Carvalhal, sem hefur stýrt Sheffield Wednesday undanfarin misseri.
Athugasemdir
