„Það hefur nánast komið mér á óvart hversu stór klúbburinn er. Öll umgjörðin er frábær og manni líður eins og maður sé í stórliði. Það er ekki mikill munur á þessu og því sem ég kynntist í Þýskalandi," sagði Hólmar í samtali við Fótbolta.net í nóvember.

Hann gerði mjög góða hluti með Rosenborg á síðasta tímabili eftir að hafa verið keyptur frá Bochum í Þýskalandi. Hann og norski landsliðsmaðurinn Tore Reginiussen hafa náð afar vel saman í hjarta varnarinnar hjá Rosenborg.

„Hann er mjög öflugur varnarmaður sem kemur boltanum vel frá sér. Við erum að ná vel saman og skiljum hvorn annan ágætlega," sagði Hólmar en Rosenborg hafnaði í öðru sæti norsku úrvalsdeildarinnar á síðasta tímabili.

Viðtal af heimasíðu Rosenborg: