mán 30. mars 2015 11:57
Brynjar Ingi Erluson
Ben Everson í KA (Staðfest)
Mynd: Fótbolti.net - Torfi Jóhannsson
KA í fyrstu deild karla hefur fengið enska framherjann, Ben Everson, til liðs við sín en þetta kemur fram á heimasíðu félagsins.

Everson, sem er 27 ára gamall, þekkir ágætlega til hér á Íslandi en hann hefur leikið með Tindastól, Breiðablik og BÍ/Bolungarvík hér á landi.

Hann lék á síðustu leiktíð með AFC United í Svíþjóð en er kominn aftur til landsins og mun leika í gulu treyjunni.

Hann er væntanlegur á næstu dögum og verður líklega kominn með leikheimild fyrir leikinn gegn Gróttu í Lengjubikarnum sem fer fram á fimmtudaginn.

Hann er með fína tölfræði í fyrstu deildinni en hann hefur samtals leikið þar 30 leiki og gert 17 mörk fyrir Tindastól og BÍ/Bolungarvík.
Athugasemdir
banner
banner
banner