Indriði Áki samdi við FH eftir síðustu leiktíð en er nú kominn til Keflavíkur á láni.
Keflavík í Pepsi-deild karla hefur fengið Indriða Áka Þorláksson á láni frá FH út sumarið en Kristján Guðmundsson, þjálfari Keflvíkinga, staðfesti þetta við Fótbolta.net í dag.
Indriði Áki, sem er 19 ára gamall framherji, gekk til liðs við FH frá Val síðasta sumar en hann hafði leikið 29 leiki og gert 9 mörk fyrir meistaraflokk Val.
Hann fór til FH undir lok júlí í fyrra en spilaði ekkert með aðalliðinu en nú er ljóst að hann mun leika með Keflavík í sumar.
Kristján Guðmundsson, þjálfari Keflvíkinga, staðfesti við Fótbolta.net í dag að Indriði verður á láni hjá félaginu út sumarið.
Þetta er mikill liðsstyrkur fyrir Keflavík en hann á að baki tvo landsleiki fyrir yngri landslið Íslands.
Athugasemdir
