Grísku landsliðsmennirnir Panagiotis Tachtsidis, Vangelis Moras og Ioannis Fetfatzidis sluppu nánast ómeiddir úr bílslysi í Ungverjalandi í morgun.

Leikmennirnir voru í eldlínunni þegar Grikkland mætti Ungveralandi í undankeppni EM um helgina.

Þeir voru í leigubíl á leið á flugvöllinn í Búdapest þegar þeir lentu í árekstri.

Bílstjórinn í hinni bifreiðinni lét lífið en leikmennirnir sluppu ótrúlega vel. Fetfatzidis fékk gat á hausinn og sauma þurfti nokkur spor í hnéð á Tachtsidis.