Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fim 30. mars 2017 20:00
Bjarni Þórarinn Hallfreðsson
Lengjubikarinn: Siggi Lár tryggði Val toppsætið með þrennu
Sigurður Egill skoraði þrennu í kvöld
Sigurður Egill skoraði þrennu í kvöld
Mynd: Fótbolti.net - Hafliði Breiðfjörð
Ásgeir Marteinsson kom HK yfir gegn Víkingi Ó.
Ásgeir Marteinsson kom HK yfir gegn Víkingi Ó.
Mynd: HK
Tveimur leikjum var að ljúka rétt í þessu í riðli 3 í A-deild Lengjubikars karla.

HK tók á móti Víkingi Ólafsvík en hvorugt liðanna átti möguleika á því að komast í 8-liða úrslit Lengjubikarsins.

HK-ingar byrjuðu af miklum krafti og skoraði Ásgeir Marteinsson strax á 2. mínútu leiksins með góðu skoti af 25 metra færi.

Gunnlaugur Hlynur Birgisson jafnaði leikinn fyrir Víking á 34. mínútu eftir frábæran undirbúning Guðmundar Steins Hafsteinssonar. Var jafnt þegar flautað var til hálfleiks.

Eitt mark var skorað í seinni hálfleik og voru það HK-ingar sem skoruðu það á 78. mínútu. Ásgeir átti þá góðan sprett upp vinstri vænginn og lagði boltann fyrir Andi Andri Morina sem kláraði vel. Lokatölur 2-1.

Bæði lið hafa nú lokið leik í Lengjubikarnum. HK endar mótið með 6 stig í 4. sæti riðilsins en Víkingur er sæti neðar með 3 stig.

Í hinum leik kvöldsins áttust við toppliðin Valur og ÍA en bæði lið voru nú þegar komin áfram í 8-liða úrslit. Eftir rúman hálftíma leik átti Kristinn Ingi Halldórsson góða fyrirgjöf á Sigurð Egil Lárusson sem kláraði vel.

Sigurður Egill var aftur á ferðinni þegar rúmur stundafjórðungur var til leiksloka eftir flotta sendingu frá Dion Acoff. Skagamenn fengu vítaspyrnu á 83. mínútu leiksins og úr henni skoraði Þórður Þorsteinn Þórðarsson. Staðan orðin 2-1.

Á lokamínútum leiksins fullkomnaði Sigurður Egill svo þrennu sína, aftur eftir stoðsendingu frá Dion Acoff. Lokatölur 3-1.

Með sigrinum tryggði Valur sér toppsæti riðilsins en ÍA endar í 2. sæti.

Valur 3 - 1 ÍA
1-0 Sigurður Egill Lárusson ('31)
2-0 Sigurður Egill Lárusson ('74)
2-1 Þórður Þorsteinn Þórðarsson úr víti ('83)
3-1 Sigurður Egill Lárusson ('90)
Lestu nánar um leikinn

HK 2 - 1 Víkingur Ó.
1-0 Ásgeir Marteinsson ('2)
1-1 Gunnlaugur Hlynur Birgisson ('34)
2-1 Andi Andri Morina ('78)
Lestu nánar um leikinn
Athugasemdir
banner
banner
banner
banner
banner